Xi – La – Ba

Errekesta ederra izan du bertsu saio hunek. Iparraldean bakan ikusten den jendaldea bildu baita hor. Orokorrean ederki joan da dena. Lau oren iraun badu ere emankizunak, ez dut uste nehor enoatu denik!

Gaien aldetik ontsa! Lotbide zabala eskaintzen zuten gehienek, salbu, behar bada, XUMAI eta MIREN-eri tokatu zaioten harek: Afal eta itsasorat zoazte arraintzan hartzerat. Bertze guziak gaurko biziari lotuak iduritu zaizkit: Eskolako lehen kursoan berean lan galde paperrak eskolan betearazten… bi presonerren elkarrizketa… Internet-en bidez amodiotan sartu bi amorosak…Haiti-ko haur baten adopzioa… Ahal ttipiko haurren hezkuntza…Photovoltaique eta auzoaren arbola… Zahar etxe bateko bipresunen maitemintzea… Geroa zure eskuetan duzu… Hitzak: Itxura…Korropiloa ! bertze batzu ere izan dira. Bai denak ongi hautatuak!

Irakurri osoa »

Atal honetakoa Berriak, Kronikak |

Ez da erraza izan. Baina ederra izan da. Ez genituen baliabide ainitz, baina genituen horiei zukua ateratzen jakin dugu. Ez ginuen jende ainitz lanerako, baina prest zirenek ez zioten lanari beldurrik, eta bazen lana. Eta ainitz lan egin da. Agian, buruan genituen asmo guziekin ere ez dugu asmatu, baina ezarritako helburu guzien bideari eusten saiatu gara. Ez da guti. Bada zerbait. Poza sentitzen dut xapelketa bukatu eta.

Milaka jendek segitu dituzte saioak zuzenean, milaka gehiagok internet bidez, eta telebista, prentsa idatzia edo bestelako hedabideen euskarrietan presentzia handia ukan du XILABAk. Zorion piloa jasotzen ari gara, eta zorion hori partekatu nahi ginuke. Antolatzaile bakoitzarekin, lanean isilean aritu den ororekin, bertsulariekin, laguntzaile eta babesleekin, eta zurekin, ikus entzule. Badakit ez dela pozaren pozez saltoka hasteko adina motiborik. Baina xapelketa zer den bagenekien, eta xapelketarekin zer lortu nahi genuen ere bai.

Kazeta.info-n argitaratua
Irakurri osoa »

Atal honetakoa Berriak |

Get the Flash Player to see this content.

Ikusi final handiko bideoak!!!

Xapelketari buruz zure iritzia idatzi!

Atal honetakoa Berriak, Saioak |

Besta-ondoko sentsazioa ezin kendua edo kendu nahi ezta, zer esan finalaz? Han zegoenak egin zezakeen onena egin zuen finala bizi! Ez zenari aukera badenez entzun dezan proposatuko nioke, giroa ezin da berbizi baina bertsoekin goza dezake.

Bertsolariak -beldurra-zoriona, sufritu-gozatu dena nahasian- beti emozio eragile izan ziren beste behin ere. Buruz ikastea edo kantu bihurtzea merezi duten bertsoek, euskalkien doinuek -bereziki xubererak- utzitako marka gogoan… hasi eta azken uneraino une berezi asko; orain arte idatziz xapelketaren aztertzaile fin izan den Mixel Itzainak, larunbatean ahoz distira berezia atera zion xapelgoari eta Xapeldunari: zaila ere errexa dela igurikatzen duen Ametsi!… Erranak erran, ez naiz saioa aztertzen hasiko. Asebete ninduen giroak gain hartu eta objetibotasunetik urruntzeko joera izanen nukeelako eta gailurtxo horretan bizi izan nuena gorde nahi dudalako gerora, azaroaren 13ko egunaz.

Iritziak iritzi, bertsolaritzaren erakusleiho aparta da xapelketa: jarraitzaile askoren usteen konfirmazioa, beste batzuentzat bertsolari berriak ezagutzeko parada.Odeiren zuzentasuna, Xumairen finezia, berezitasunez betetako Joanesen bertsokera, Ekhiren freskura, Mirenen ahalen eta xuri-gunen nahasketa, Eneritzen gozotasuna, Sustrai eta Ametsen trebeziak, aspaldi ezagunak txapelketaz haratago ere. Ez baita aski behin ongi aritzea gero aldioroko jardunean, plaza txiki nahiz handian asmatu ezean. Orain xapelketarena pasatua jardun hauen garaia da.

Bukatu dira momentukoz asteroko antolakuntza, zuzendaritza, gai jartzaile eta epaileen bilkurak, bukatu astearteetako Larraldeko saioak? Ez! Stresa alde batera utzita, Elkartearen eta elkartzearen emaitzak agerikoak dira eta hor denok gara edota izan gaitezke partaide.

XXXak gogoan atxikiko ditugun arren laster ez dugu XILABA txapelketako berri jakiteko begiratuko. Eta XI-LA-BAk bizi bizirik dirautea gure esku dago. Bertsoa maite dugun DENON esku. Sustraik garbi erran zuen: auzolanean oinarritzen baita gure energia. Bakoitzaren urrats ttikienarekin handituko eta edertuko diogu bertsoari bidea. Eta bidean pusatzen badugu ez zaio ez harriari goroldiorik egingo, ez burdina herdoilduko.

Izan ere:
XORAGARRIA IZAN DA,
ez al du merezi? …

Atal honetakoa Berriak, Kronikak |

Xapelketari buruz zure iritzia idatzi!

Amets Arzallus hendaiarra nagusitu da gaur Donibane Lohizunen burutu den 2010eko Xiberoa, Lapurdi eta Baxenabarreko Bertsulari Txapelketaren finalean.

Odei Barroso urruñarrarekin buruz burukoa jokatu ostean irabazi du txapela Arzallusek.

Hirugarren postua Sustrai Colinarentzat izan da eta ondorengoak, hurrenez hurren, Joanes Etxebarria, Eneritz Zabaleta, Xumai Murua, Miren Artetxe eta Ekhi Erremundegirentzat.

1900 bertsozale bildu dira bertsularitzaren festa handian eta Mixel Itzaina Euskaltzain urgazleak, bertsoa sustatzen hainbat urtetan aritu denak, jantzi dio txapela txapeldunari.

Puntuazioa:

1. Amets Arzallus: 660
2. Odei Barroso: 607
3. Sustrai Colina: 386
4. Joanes Etxebarria: 347,5
5. Eneritz Zabaleta: 344,5
6. Xumai Murua: 338
7. Miren Artetxe: 329,5
8. Ekhi Erremundegi: 320

Atal honetakoa Berriak |